सरकारले फेरि पेट्रोलियम पदार्थको भाउ बढाएको छ । सरकारले खाना पकाउने ग्याँसमा प्रतिसिलिण्डर १ सय ७५ रुपैयाँ बढाएको छ । यस्तै पेट्रोलमा प्रतिलिटर १०, मट्टितेल र डिजेलमा प्रतिलिटर नौं/नौं रुपैयाँ मूल्य बढाएको हो । इन्धनको अभाव भइरहेको बेला नेपाल आयल निगमले पेट्रोलियम पदार्थमा भारी मात्राले मूल्यवृद्धी गरेको हो । यसअघि खाना पकाउने ग्याँसको प्रतिसिलिण्डर १ हजार ३ सय २५ रुपैयाँ रहेकोमा अब उपभोक्ताले १ हजार ५ सय तिर्नुपर्ने हुन्छ । त्यस्तै पेट्रोल प्रतिलिटर १ सय ५ रुपैयाँ रहेकोमा अब १ सय १५ रुपैयाँ पुगेको छ । सस्तोमा किनेर महँगोमा बेच्नुपर्दा भएको घाटा कम गर्न मूल्यवृद्धी गरिएको बताइएको छ । पुरानो मूल्य अनुसार मासिक १ अर्ब ७८ करोड ३१ लाख रुपैयाँ घाटा रहेको निगमले बताउँदै आएको थियो ।
आफुलाई दुःखी–गरिबको सरकार बताउने एकीकृत माओवादीका उपाध्यक्ष डा. बाबुराम भट्टराई प्रधानमन्त्री बनेर सरकारको नेतृत्व गरेयता मात्रै पनि गरिबकै ढाड सेक्ने गरी पटक–पटक पेट्रोलियम पदार्थको भाउ बढाइएको छ । त्यतिमात्र होइन, लगामहीन ढंगले छाडा छाडिएको बजारमा अकाशिएको मूल्यको त कल्पना नै गर्न नसकिने भैसकेको छ । सरकार बनेलगत्तै जनतालाई राहतको प्याकेज दिने घोषणा गर्ने वर्तमान सरकार बजार अनुगमनका नाममा मौसमी नाटक गर्नेबाहेक केही गर्न सकिरहेको छैन । दिन प्रतिदिन जनताको क्रयशक्ति ह्रास हुँदै महंगी उकालो लागिरहँदा सर्वसाधारण नागरिक भने मारमा परिरहेका छन् ।
by:-इमेज चैनल
आफुलाई दुःखी–गरिबको सरकार बताउने एकीकृत माओवादीका उपाध्यक्ष डा. बाबुराम भट्टराई प्रधानमन्त्री बनेर सरकारको नेतृत्व गरेयता मात्रै पनि गरिबकै ढाड सेक्ने गरी पटक–पटक पेट्रोलियम पदार्थको भाउ बढाइएको छ । त्यतिमात्र होइन, लगामहीन ढंगले छाडा छाडिएको बजारमा अकाशिएको मूल्यको त कल्पना नै गर्न नसकिने भैसकेको छ । सरकार बनेलगत्तै जनतालाई राहतको प्याकेज दिने घोषणा गर्ने वर्तमान सरकार बजार अनुगमनका नाममा मौसमी नाटक गर्नेबाहेक केही गर्न सकिरहेको छैन । दिन प्रतिदिन जनताको क्रयशक्ति ह्रास हुँदै महंगी उकालो लागिरहँदा सर्वसाधारण नागरिक भने मारमा परिरहेका छन् ।
by:-इमेज चैनल
